奇勇食尾胡

猪拉多纳

　　方嘉柏剛戰憑「天久」及「威威具星」起孖，目前以34W居於練馬師榜首位。今晚馬房只派出四駒上陣，但全部均具爭勝分量，馬房中人揚言繼續有頭馬見面，其中以尾場三班1200米的「奇勇」贏面最大。

　　「奇勇」在港初出即在田草1000米取勝，以兩個多馬位彈甩亞軍「帝聖駿駒」，盡顯優厚質素。此駒上仗升上三班作賽，兼首度出爭谷草賽事，陣上更改用後追跑法，可算面對重重難關，但牠最終仍在霍勵賢胯下以半個馬位力挫「捉金」取得連捷，保持不敗之身。

　　今次方嘉柏安排「奇勇」增程至1200米，看其腳法必合發揮，抽得一檔起步，料可全程慳位競逐，待末段才殺上；回配首仗贏馬拍檔郭立基，人馬默契冇問題，篤定三連捷。

　　方嘉柏有「B」計劃

　　【本報資料】今晚只得尾場編為1200米賽事，而近四匹方廐馬跑谷草B欄同程獲一冠兩亞一季（見表），這次方嘉柏安排「奇勇」出爭此程，並重配近兩次於谷草B欄賽日均有馬贏的郭立基，看部署擺明有心再拼。