英格蘭U21獅王獻「瑞」

猪拉多纳

皮雅斯「星陣」省招牌

今晚國際賽熱身賽獨腳戲，英格蘭U21於主場擺下擂台，搵咗瑞典U21拍跳。幼獅主帥皮雅斯今次精銳盡出，利物浦進攻主力佐敦軒達臣、舒維爾悉數入選，連同湯馬士恩斯及水晶宮快翼韋費特沙夏，火力甚猛，面對近況低沉嘅瑞典U21，大炒一場冇難度，「讓球主勝」咪錯過。

（now 633及660周三凌晨3時30分直播）

唔經唔覺，皮雅斯先後帶領英格蘭U21打過三次U21歐國盃決賽周，頭兩次入四強及攞過亞軍，但09年卻分組賽畢業，上年奧運8強更喺主場互射12碼不敵南韓，顏面掃地，令皮雅斯備受壓力，為咗保住飯碗，皮帥喺嚟緊暑假於以色列舉行嘅U21歐國盃，實在不容再失，因此佢對之前嘅備戰工作，相當重視。
恩斯仔小沙夏玩謝瑞典

從今次大軍名單中，淨係利物浦已佔咗五席，預計佐敦軒達臣、舒維爾穩坐正選，修咸頓超新星勞基梳爾亦首度入選，加埋喺英冠踢到曉飛嘅湯馬士恩斯及韋費特沙夏，前者為名宿恩斯囝囝，今季為黑池攻入16球，咁強勁嘅陣容，可見皮雅斯嘅贏波決心，以韋費特沙夏的快速而靈巧嘅邊路突破，相信湯馬士恩斯唔愁冇士哥，就算史達寧因傷缺陣，影響亦不大。事實上英格蘭U21近六場贏晒之餘，仲一球不失，「讓球主勝」乃信心之選。