西維爾射爆蠱惑簡奴

猪拉多纳

一如以往，喺冬季轉會窗Deadline Day，小妹都係通宵（目及）實個電腦睇新聞，當中最令人感動嘅，唔使講就梗係咸爺啦！呢位型男轉投PSG（逗）咁高人工，但佢一個崩都唔要，將啲錢捐晒畀慈善機構，有啲「葡萄友」話佢沽名釣譽、唔夠班，講真，佢家陣已經紅遍全球，一日搵嘅錢分分鐘多過你成世，使乜做呢啲嘢去博你好感呀？

講完最感動，當然要講吓最爆笑啦！小妹起初睇到呢單嘢真係嚇一跳，之後得啖笑，呢單嘢係乜？咪就係愛華頓想用900萬鎊買西維爾射手尼格度（左圖左）囉！呢隊咁嘅愛華頓，名氣唔大實力唔夠唔緊要，最衰係唔識贏盤乞人憎，少少錢就想買一級射手？咪發夢啦！
華歷簡奴聚飛例輸鑊甘

喺小妹心目中，西甲有5大鋒神，美斯、C朗同法卡奧就梗o架啦，另外兩位就係蘇爾達杜同尼格度喇！西維爾今季成績麻麻，原因係尼格度成日都要單打獨鬥，好彩，佢班前線拍檔雷恩斯、捷西斯拿華斯同拿傑迪錫近排慢慢重拾狀態，周中以9人應戰都幾乎逼和馬體會，聯賽仲錄得久違了嘅2連勝添，今晚佢哋繼續坐鎮主場迎戰華歷簡奴，又係大勝一仗嘅好機會喇！

小妹之前都講過啦，華歷簡奴係「西甲食神」，當佢哋好弗備受睇好嗰陣，就會衰鑊甘嚟退吓熱，季初佢哋2連勝連贏5個盤後即刻輸番鋪1:6，家陣佢哋近6戰5勝喇，又係時候跣你一鑊甘喇，一於反爆佢哋，撐西維爾2.25倍「讓主」，順手買埋個26倍主其他啦！

推介：西維爾「讓主」、主其他
唱K見真章

好開心呀！小妹早幾日同班同事仔去唱K，成班玩到勁癲勁High，起初仲以為班同事喺公司鬼咁正經勁做得嘢，去到一定好悶添，原來唔係囉，我錯喇，你哋堅係睇得、玩得又做得，勁呀！