賓菲加搶得失球盡情炒塞

猪拉多纳

OOO新加盟歐陸連線，好高興喺呢個欄同香港讀者分享我對葡萄牙足球嘅心得，帶畀大家嘅頭炮係強弱懸殊嘅賓菲加主場對塞圖巴爾，葡超攻力最強球隊圍攻防守最差球隊，我相信賓菲加可以輕鬆取得大勝，「讓球主客和」主隊讓到兩球都唔怕，照捧賓菲加2.13倍「讓球主勝」。（有線155台周一凌晨4時15分直播）

今屆葡超繼續係波圖同賓菲加雙雄之爭，兩軍實力接近，同時又甩開晒其他球隊，佢哋首循環踢成和局，目前同得42分，今屆冠軍甚有可能要靠得失球差嚟決勝，賓菲加之前幾輪一路領先，但上輪只小勝布拉加，相反波圖大炒榜尾基維辛迪，現時賓菲加落後3個得失球差退居次席，今晚難得主場迎戰弱旅，近期入波停不了嘅洛迪高利馬同伊度亞度沙維奧又可以盡情數胡。
塞圖巴爾遇強多紅牌

塞圖巴爾係葡超失波最多嘅球隊，而且球員年輕沉唔住氣，今季已經攞咗6張紅牌，尤其面對強隊例必發茅，今季遇上賓菲加同波圖共有3個球員被逐，佢哋喺敗局已定時亦多數會放軟手腳，保留實力等下場波再搏，佢哋近3次作客賓菲加分別輸1比8、0比3同1比4，相信今晚輸3球係最低消費。
Manuel Buica

國籍：葡萄牙

45歲，資深葡國兼職球評人，正職從事音樂工作，於國際菠菜網站bettingadvice.com以用戶名OihOrebOque（簡稱OOO）分析葡超賽事多年，成績極佳，家居於士砵亭主場鄰近，自小已經係呢支老牌球會球迷，對葡國足球動態及足球菠菜有深入研究。