拿玻里甩難 破「費」豪番餐

猪拉多纳

意甲早場費倫天拿主場對拿玻里，最近拿玻里行正大運，造假案上訴成功令整個那不勒斯地區都歡天喜地，再加上球隊放完聖誕假後狀態大勇，今場作客費倫天拿有力反客為主，客W好分頭值得捧場。

（周日晚7時30分開賽）

拿玻里早前因造假案而被扣2分，隊長保羅簡拿華路及加華更判罰停賽半年，但球隊上訴成功，球隊及上述兩名球員得以回復清白之身，老闆迪羅倫迪斯話今次係意大利球壇嘅勝利，而保羅簡拿華路及加華今場對費倫天拿可即時復出，兩人受訪時都喜極而泣。現時拿玻里處陣內氣氛極佳，加上歇冬後兩連勝走勢良好，作客有力照贏費倫。
費倫歇冬後跌Watt

費倫歇冬後跌Watt，聯賽及盃賽共三場比賽都未能取得勝利，另外傷兵問題亦嚴重，新簽嘅前鋒基奧斯比羅斯未康復，中場校炮手大衞比沙路仍要養傷，故此今場要靠祖維迪一人喺前場單打獨鬥。費倫單靠主場優勢難破拿玻里，「讓球客勝」固然要捧，客W好分頭亦值博。