巴塞讓得辣見到反胃

猪拉多纳

西甲班霸巴塞隆拿確係好犀利，但佢哋場場讓得多，周中鬥馬拉加仲讓到兩球半，真係好誇張，好難次次贏盤。巴塞今輪作客皇家蘇斯達唔易踢，又要讓到球半、兩球，梗係博下盤啦！

（now 632周日凌晨1時直播）

巴塞隆拿目前於聯賽甩開晒，基本上已經穩奪冠軍，下半季目標會放於盃賽，歐聯當然係重要目標啦。由於現時形勢明朗，巴塞有空間失分，但莊家未有調整盤口，下半季若然見到佢哋讓得太多，絕對可以大膽博下盤。皇蘇早前決戰皇馬僅敗，表現對辦，呢班波主場真係惡，近季主場對巴塞時有佳作，今場隨時又製造爆冷賽果。
哥帥效應德甲發圍

另外，近日德甲傳來大新聞，拜仁慕尼黑請到前巴塞教頭哥迪奧拿幫手，可謂如虎添翼。德國波早幾年出現假波醜聞，但近季已經大力打擊不法活動，成功整頓秩序。呢個賽事本身多波入，球員拚勁好，近年形象愈來愈正面，依家有埋名牌教頭哥迪奧拿加入戰團，肯定會吸引更多球員同球迷注意，肥叔絕對睇好德國波未來發展。
肥叔心水

法蘭克福下盤

禾夫斯堡大

紐卡素上盤、大

史雲斯上盤

西布朗上盤

皇家蘇斯達下盤、大

烏甸尼斯下盤