車路士踩油追「大」

猪拉多纳

英超翻生勁旅車路士挾兩連勝轟入十三球靚績強勢作客諾域治，再被捧成熱門讓到半一，車仔上場大勝姿態好得人驚，但「金絲雀」聯賽主場五連勝賽績超級硬淨，兩隊入得失得，玩大盤最好！

（有線301及201台周三晚11時直播）
諾域治５連大

車路士上仗主場鬥阿士東維拉淨勝八球，分別由七個球員建功，射手費蘭度托利斯延續佳態又有士哥，巴西後衞大衞雷斯改踢防中效果理想，除滿場飛周圍搶截外，仲入咗個靚罰球，成班波踢到順晒，作客照攻。

諾域治上場被西布朗打斷英超十戰不敗走勢，但呢班波主場好惡，聯賽主場五連勝贏過阿仙奴同曼聯，唔講得笑！諾域治兩翼安東尼派京頓同辛迪加斯威脅大，中鋒格蘭荷特有望復出，火力甚勁，佢哋近五戰全大，車仔近十次作客九次開大，今戰大盤穩陣！