史雲斯地頭凍僵紅魔

猪拉多纳

平嘢有好主場硬淨

英超兩大射手王大鬥法！今季英超最搶眼嘅「士哥拿」尹佩斯同米捷正面交鋒，牌面睇曼聯當然秤先，不過史雲斯本住「平嘢有好」嘅宗旨，今季踢出唔少悅目足球，主場出擊更加唔係人咁品，「阿占」決定博史雲斯搶分成功，受讓半一捧下盤！（有線200及300、廣東體育周日晚9:30 直播）

史雲斯上季喺羅渣士帶領下一鳴驚人，今季改由勞特立接手一樣神奇，代表作當然係平價簽入西班牙射手米捷，呢位射手今季喺9場聯賽入過波，一共入咗12球同尹佩斯睇齊，證明平價貨一樣可以同名牌抗衡。
近6戰主場只1敗

史雲斯近6仗主場聯賽2勝3和只輸1場，車路士同利物浦嚟到都唔可以拎晒3分，曼聯絕對唔係話贏就贏。
曼聯作客勁失波

無疑紅魔近期氣勢如虹，尹佩斯同朗尼呢對箭頭組合光芒四射，但防守唔掂已經變成老生常談嘅問題，球隊近8場作客比賽竟失成18球咁多！今場面對米捷嘅衝擊睇怕都好難唔失波，作客環境失分都唔奇，史雲斯受讓半一抵玩啦！
史雲斯主場旺開大

‧史雲斯至今9場英超主場比賽取得3勝4和2負，表現硬淨。

‧史雲斯聯賽主場好開大，今季9場賽事總共開出7大2細。

‧曼聯今季作客失球情況嚴重，9場聯賽只有1場保持清白之身。
等睇入球騷博「7+」

史雲斯今季聯賽主場落敗率只得兩成多啲，就連利物浦同車路士嚟到都要擺低2分，同時佢哋嘅開放作風亦令入球率大增，9次英超主場一共開出7次入球大，今晚遇上至今9場聯賽作客8場有失波兼後勁凌厲嘅曼聯，隨時合演一場入球騷，14倍嘅「7+」玩得過。
頂占筍盤：史雲斯（下盤）