再追ＱＰＲ有着素

猪拉多纳

英超榜首球隊曼聯甩開咗，形勢唔及榜尾咁緊湊，睇勻咁多隊下游球隊，昆士柏流浪（QPR）最有機會逃出生天，皆因呢班波擁有良帥夏利列納領軍，近期演出脫胎換骨，今次作客紐卡素又有得受讓，梗係要下盤啦！

（有線302及202周六晚11時直播）

昆士柏流浪季初完全唔識贏，自從夏利叔接替曉士後情況唔同晒，呢班波踢落有番隊形，球員個個搏盡，氣氛截然不同。論人腳昆士柏流浪有條件企穩中游，家陣打番起信心，預期短期內可以延續呢個升勢，值得繼續追捧。紐卡素近況好沉，就算主場出戰都靠唔住，讓唔起對手！

同日意甲拉素作客森多利亞，意甲近年水準下滑，依家拉素算係實力分子，呢班波主場硬淨，早前曾戰勝大敵國米，表現對辦，但佢哋客場勝出率偏低，不宜高估！森多利亞主要集中喺自己地頭搶分，主場受讓有利，揀下盤！

（周六晚10時開賽）
肥叔心水

阿仙奴上盤

森多利亞下盤

昆士柏流浪下盤

修咸頓上盤

華拉度列下盤、大

奧沙辛拿上盤

羅馬大