|
荃城欢欣可补中
蔡约翰今日又有成棚恶马,应有头马落袋。锺意列阵尾场嘅「育成王子」,在港初出即刻可以响1400米赢马,难度相当高;叁岁仔上场孭重磅再战,一样再赢,尽显质素。今次升上叁班作赛,负磅减轻其实更好跑,叁连捷在望。
另外推介文家良马房隻「荃城欢欣」,上仗初出即响泥地1200米入Q,證明场地性能一流,热过身之後再跑同程,估计威力更强,可以胜回一仗。
张敬山
贝利高施回马枪
赖维铭刚战身体不适退下火线,苏狄雄做替工即刻赢咗隻「嘻哈大少」,睇嚟呢位後生仔真係好旺,今次一於吼实佢啲马。锺意第七场「贝利高」,前仗赢得「精奇」、「花月春风」,响二班一样恶气十足,回气一场之後随时施回马枪。
另一匹苏狄雄坐骑吼「龙城动力」,季内唯一头马正係响泥地1200米取得,今次转番嚟跑此程,唔似係陪跑咁简单,有分头不妨一敲。
任达华
大卫精神谋交代
高伯新刚啱凭「金得意」同「安甲」起孖,搏杀手风好顺,一於再捧佢啲马。推介第四场「卡加大师」,近两仗响1400米愈赢愈易,七岁马喜逢第二春,今次留响四班再跑同程,唔见得有任何阻力,追多一次。
另外锺意第六场「大卫精神」,转去高伯新马房後两仗都跑第五,已经试準晒走势,今次搵李宝利操刀,人马在港都未开斋,鬥志一层唔使怀疑,值得WP捧场。
|
|