呂健威福到多多賀壽

猪拉多纳

好好先生呂健威季初成績慢熱，好在經過佢一輪努力之後，最近頭馬數字已經有番回起勢頭。今日係威哥牛一，佢話向來唔鍾意大搞，寧願留番多啲時間返馬房同陪吓屋企人。
  
呂健威今日生辰，昨午贏福到多多（9號）賀壽有意思。





不過講就係咁講，威哥尋日賽事都靜靜雞炮製咗場頭馬畀自己做生日禮物。第八場隻「福到多多」雖然已經七歲，但係最近愈戰愈勇，季內已經贏到第三W，姿態仲唔算好辛苦添。威哥賽後話隻馬呢排的確勇極，加分之後只要遇到適合嘅對手，依然有希望添食，連勝四場。
  
呂健威

不同騎師連下三城


「福到多多」季初配柏寶兩戰全敗，最近三仗先後配上巫斯義、梁家俊及楊明綸連下三城，溫馴易騎，下次又睇邊個有「福」執到呢支好籤。