今季合作成功率高 沈集成白德民絕配

猪拉多纳

　　「傲闖」排位後退出，即係話白德民今晚騎嗰5匹馬，全部屬於沈集成馬房，身為摩廐主帥，外借機會已經唔係特別多，呢期仲要匹匹係來自沈廐，大摩肯畀外借係其中問題，白德民又肯騎咁多匹，亦係另一問題。

　　如果二人唔係老友鬼鬼，一定唔會有今晚咁嘅局面。而二人今季合作以來，成績為7冠4亞2季13負，有半數馬可入圍，表現之佳，令人增添信心，實際上，今季沈廐頭馬16匹之中，接近一半由白德民攞到，就會知道他們默契有幾好。

　　數數沈白今次合作馬，機會較次嘅應係四升三班「幸運多寶」，以及剛剛跑包尾「永新勝利」。而「彩虹幻影」今季轉到沈廐後，兩出皆在泥地，降落五班先嚟跑番草地賽，又喺配備方面有唔同安排，或可變身。

　　而「厲行星」及「好香港」，均是熱門實力馬，前駒今季3場之中，其中兩場得冠亞各一，以目前作戰水準，乃五班短途一線馬，轉場冇有怕；後駒初出入Q，後勁令人咋舌，看來手上有唔少虛分，今場只要唔係步速太慢，有機會喺直路逢馬過馬。

Jack