蘇保羅精奇補賀生日

猪拉多纳

上個禮拜二生日嘅蘇保羅，尋日沙田大賽日先拔頭籌，憑杜利萊策騎嘅「精奇」贏得今季第四場頭馬，為自己送上頭馬做賀禮，補祝五十二歲生日。
  
精奇外欄一衝過晒，大熱取勝。


出馬三匹全上名


尋日阿蘇成績好犀利，派出嘅三匹參戰馬「精奇」、「奇葩」、「雅雪」分列冠亞季，全部上名，其中「精奇」更係季內首奪頭馬。
  
精奇台前幕後齊影威水相，蘇保羅（右）笑逐顏開。




蘇保羅話「精奇」要抽好檔贏面先大，所以呢場排十二檔照贏，兼贏成兩個多馬位，佢感到意外。
  



阿蘇話「精奇」愈跑愈進步，前一場開始試戴眼罩，效果相當不俗，如果贏馬後繼續喼得住，絕對有能力衝上二班，而路程將會集中喺千六米賽事。