勇敢小子有「力」惹飛

猪拉多纳

　　到咗國際大賽日，大部分倉主都搬晒啲惡馬出嚟，噚晚好多場都搵到重心馬，但較為奇怪嘅係，四場國際賽除咗香港瓶係由外隊馬「鑄鐘大師」做大熱門，其餘三場都好似港隊贏梗咁，由香港馬擔起個彩池，大家不妨支持吓佢哋。

　　至於無端端有飛嘅馬，不得不提第三場「勇敢小子」，雖然同場「甜將」飛數硬淨到不得了，隔晚一度得1.6倍W，但「勇敢小子」其實都有飛，事關佢對上三仗嘅最後賠率，都係喺25至99倍之間，上場都仲賣至99倍，今次同樣出爭一班1400米，究竟有咩本事令佢隔晚W曾得15倍？相信佢惹飛，唔多唔少同強配韋紀力有關，蔡廐過往好鍾意搵力哥搏殺，今次有飛一於捧吓。

　　騎師王韋達大勇抵撐

　　騎師王方面，韋達同白德民同樣得2.5倍，當然係撐前者，惡馬又多人又旺，吼佢。

周仲