首飾孖寶大勝締今季紀錄

猪拉多纳

上屆嘅香港國際馬匹拍賣會安排喺三月至舉行，啲馬仔嘅進度比以往幾年明顯慢咗。其實喺昨午之前，一路未有ＩＳＧ（拍賣馬）贏過，好在頭場隻「首飾孖寶」（左圖）夠生性，卒之幫馬會省一省個招牌，並以四個馬位距離創出今季大勝紀錄。
       

呢隻「首飾孖寶」贏還贏，能夠拋甩告仔隻「超級精神」四個馬位咁遠，成為今季大勝距離最遠頭馬，真係有啲始料不及。蔡約翰賽後話隻馬賽前做足工夫，試閘走勢又夠勁，賽前都諗住有啲餐士，佢仲話隻馬初出已經能夠喺沙田輕勝幾個馬位，擺明係超級分子。講到下仗嘅部署，阿頭就透露會考慮吓十二月場新馬錦標，不過照例都要睇吓隻馬返倉之後嘅進度至有最後定案。