蔡廐搏勁卒過河

猪拉多纳

　　今晚跑馬地賽事蔡約翰馬房有幾匹實力馬在陣，最值得睇好的是「夢幻魔術」及「勁卒過河」，前駒上仗跑泥地賽已取得勝利，其性能廣泛，是泥草皆宜之馬，今番乘勇再來，馬在四班應有多少便宜，今次又抽得五檔好位，對牠更為有利，此駒雖有速度，但要有遮擋才跑得好，若然過早望空會留唔住，末段自然乏力爭勝，今番有五檔之利，起步後可守好位，易找遮擋，留力至末段衝刺效果最好。

　　「勁卒過河」則是有潛質之馬，此駒在操練方面已做了不少工夫，狀態漸見冒升，但火氣仍差多少，今仗雖未到最鋒利的時候，但可憑質取勝，鬥志明朗，可以一出即勝。

　　高伯新馬房近期成績不俗，馬房上下戰意如虹，消息指今晚機會最突出的是第七場「朝東飛駒」，此駒在上仗加戴眼罩後有甚佳表現，全程快放，跑回一席第二，拼後火氣仍然旺盛，馬有平均速度，排檔好對牠有好大幫助，今戰有力帶到。

　　葉楚航馬房則睇好第五場「連利福星」，此駒是谷戰好手，跑1200米是其所長，今次乃季內初出，操好才上陣，有意一出即拼，對手不太強，今戰有勝望。　

梁杰