|
|
上周末賽事中，又見到「群起圍攻」彩池局面，所指係第二場四班賽，而我喺直播節目中，亦講到呢個現象好正常，只因該場大熱門「進攻足球」可能唔係咁穩陣，關乎佢嘅彩池捧得熱，但唔見得與機會成正比，咁嘅場合，「落飛黨」點唔幫襯！
進攻足球熱倒有先兆
事實上，對上一次「進攻足球」出賽，已經出現近似情況，但該場卻入Q，頭馬則是99倍大冷門「勝利福星」，唔想繪聲繪影，講到似層層咁，不過當時已係1個下一場倒灶先兆，因捧到得3倍嘅熱W，既沒有表現出壓倒性姿態，仲要輸畀隻無厘頭嘅馬，而兩駒勝負距離更逾一乘，當時完全唔覺攞個第二有咩指標性。
雖然賽前唔敢「飛」，貼士預埋佢，不過，直播節目時亦一而再指出，站於投X角度，有呢類熱得犀利、但唔覺有贏面嘅馬在場，唔去博同場其他馬，真係嘥晒中冷門機會！
至於咩馬係熱而不穩，各人睇法可能唔同，但其實萬變卻不離其宗，只要盡量發掘「進攻足球」呢類馬，照計點都會提高該場中冷門機會，就算唔中，起碼避得開，唔會輸畀隻好大機會「熱死」嘅馬，嚟得咁冤枉。
馬會賽馬節目主持 洪禮賢
|
|
金睛卡
发表于 2011-10-3 12:03
变色卡
显身卡