苗禮德：華劍寶八成都掃晒

猪拉多纳

苗禮德處理轉倉馬向來有一手兼極之急進，高班嘅就有「雄心威龍」同埋「金德寶」，低班嘅代表作亦有「幸運來」、「浪漫添馬」等等。到尋日沙田賽事，又有一隻啱啱拉咗去苗廐嘅馬轉倉首戰即勝，就係頭場隻「華劍寶」，雖然今場抽到不利嘅12檔，但喺蔡明紹胯下一早殺埋欄，順利一放而返，演出眼前一亮。值得一提，苗禮德之前訓練過兩隻同主馬「碧紗籠」及「劍追風」，都係轉倉首戰跑泥地千二米建功，今次輪到「華劍寶」照辦煮碗，非常巧合。
       
華劍寶轉苗廐一出即勝，並首度於泥地建功。

老苗講番話「華劍寶」嚟到佢馬房時有唔少毛病，今次狀態都係得八成左右，相信日後仲可以進步。老苗同時大讚蔡明紹今仗發揮無懈可擊，加上今季兩Ｗ都係紹仔取得，所以日後應該會加強合作。