|
|
同文朱兄，之前曾經寫過段稿，大意係指做完1件事，同做好1件事，係完全兩碼子嘅事。是是但但、苟且搞掂，冇話唔得，某時候總會過到骨，但係咪過得人、過得自己？！與其件事都係要完成，落多幾分力，做得好啲，根本唔關蝕唔蝕底嘅事，而係心態問題。
1場賽事咁多馬，各駒際遇，賽前未可盡掌握，但唔係冇辦法預測，部分場合可能想法與事實相符，不過，如果騎師唔落力，超班馬一樣冇運行，有時田草還好多少，前段蝕啲仍有機會之後修正攞位，如果跑谷草，早段已「棄械投降」，晨咁早喺出便「外遊」，任你實力有幾強，叻到係馬王「牛精福星」嘅級數又點，最終命運唔會有咩分別。
早段意識可挑剔
好似剛周中夜賽，有幾匹馬前中段攞位唔係冇得挑剔，不過，有一兩駒因為賽後驗到有事，插唔入，但問心嗰句，賽事早段意識如何，睇多幾眼佢哋鞍上嘅動作，已經清清楚楚。
從來唔會懷疑呢類事件有陰謀成分在內，事關此地獎金高，馬會亦有監管，根本唔使/易用蠱惑招搵水。
然而，冇心機跑場馬，早段或途中態度懶懶散散，試問邊對得住投X人呀！
馬會賽馬節目主持 洪禮賢
|
|
金睛卡
发表于 2011-9-16 07:43
变色卡
显身卡