馬主論戰

猪拉多纳

皇帝法令增程掂

　　跑番沙田，又係蔡約翰發威時候，吼住佢啲馬應該冇錯。推介第四場「皇帝法令」，在港兩戰獲一亞一殿，愈跑愈進步，今次增程跑1200米，同父馬「豐衣足食」兩勝同程，照計更加啱佢發揮，出頭在望。另外鍾意第五場「多利皇」，上場雖然畀「雪米糍」追過，但其他對手亦完全威脅唔到佢，今次同場已冇超級分子，應該輪到佢威番一次，值得捧場。

張敬山

快馬當先冇對手

　　梁家俊升正做大師傅之後，表現真係愈嚟愈好，剛戰就憑「王者先鋒」同「叫關快」起孖，呢位後生仔嘅坐騎騎捧得過。推介第二場「快馬當先」，上場響泥地一哩大勝，實力非一般五班馬可比，今次再跑贏馬路程，對手難尋。另外鍾意第九場「得運歡笑」，上場跑泥地輸咗，頭馬由廐侶「旺家多寶」取得，明顯唔係馬房主力，今次跑番草地賽，應會有唔同演出。

任達華

勁力三連捷在望

　　姚本輝剛啱憑「王者先鋒」同「沙紙」起孖，搏殺手風好順，今次一於吼實佢啲馬。推介第六場「勁信心」，近兩仗獲一亞一季，反映狀態好弗，轉嚟泥地上陣，照計難唔到呢匹「富貴金龍」同父馬，值得捧場。另外鍾意第七場「勁力」，響1400米打叠贏兩場，而且愈贏愈易，三歲馬進步神速，升上三班作賽一樣冇有怕，潘頓騎慣騎熟，三連捷在望。

寇鴻萍、梁廷鏘