金石盟專欄：超群如意氣勢強

港陌

　　　昨晨是最後試跑期，由於過去兩朝跳馬已不少，故餘下作考驗者只廿多駒而已，以霍、文、葉等廐為主，尚不乏睇頭。

　　「超群如意」白德民試八百米，勞愛德策「活力名寶」佔先兩三乘帶放，電算機前外檔的「超群如意」稍鬆韁繩即穩步上前，以半乘壓住廐侶過終點，有易放難收之勢，神采奕奕，狀態起得恰好。

　　「濰坊」安國倫試八百米，自動加速，腳頭硬朗，勁力均勻，堪稱老當益壯。

　　「幸運勇士」馬偉昌試八百米，以勁勢撲過終點，步幅開得闊，活力十足，勇熟俱增。

　　「高明威威」助手試八百米，姿態從容不迫，出腳挺勁，體力冇問題，大致保持。

　　「金滿貫」馬偉昌試八百米，末段輕輕畀住走，衝刺力強，肌肉結實，長期見好。

　　「好辣椒」安國倫試四百米，沿途躍躍欲試，生氣勃勃，連拼未疲，九分左右。

　　「高一線」副練試四百米，過直路神閒氣定，步伐爽朗，近況與上賽差不多。

　　「盈嘉飛駒」鄭雨滇試千二米，落腳輕快而有力，神色亦好，予人印象不錯。

豹顯神駒懶性漸減

　　「豹顯神駒」黎海榮試八百米，助手策「駿盈」佔先乘多，最後二百米外檔的「豹顯神駒」展步上前，試來似模似樣，懶性漸減。

　　「滿地金」助手試四百米，馬性乖巧，腳法比前純熟，勁力增強，漸入佳境。

　　「同感」勞愛德試四百米，戴上頭罩，情緒穩定，收身上力，成熟程度與日俱增。

　　「大地王者」梁定華試八百米，沿外檔輕馳，走勢暢順，火氣充裕，新勝猶勇。

　　「爆冷」馬偉昌試八百米，逐漸加快，步整有力，神態活躍，操養得宜，仍有兩腳。

　　「喜相逢」副練試八百米，含枚疾走，腳步爽朗，饒富火氣，早已操好的一駒。

　　「美猴王」潘頓試八百米，清風送爽完成，神生火旺，健康穩定，八九分勇。