馬場紅綠燈

港陌

雪山神駒鬥志堅

　　告達理周一生日，而今日更係何澤堯二十一歲生辰，雖然壽星仔並非實有馬贏，但於此類喜慶日子，或多或少會特別肉緊；今戰此對練騎獨合作「雪山神駒」，既然牠近四次於四班作賽得一冠一亞及一席第五，這次落班自然不能睇小。

健少

相見歡可食尾胡

「蓮華生輝」遠征新加坡無功，但今季姚廐已累積43W，成績夠交代有餘。今晚此馬房出馬不少，隨時又有馬贏，其中尾場「相見歡」季內兩次贏馬都係冷門，實力常被人低估，但上季曾殺敗「天久」，現時肯定有分在手，可食尾胡。

阿光

實力擺明超晒班

　　「超晒班」前仗排十二檔跑谷草1200米，早段耗力切入擺明大讓賽，最後居然仍跑回一席第三，僅落後頭馬「閃耀小子」半個馬位，亞軍「日月暉華」於上周三補中，可見水準極高。上仗排十檔敗勿作準，今仗轉排一檔要捧場。

王其