佳景良駒兩頭望照贏

港陌

今季多次跌鞭，又試過因為咁畀競賽小組罰五千蚊嘅梁家俊，尋日又再有呢啲甩轆鏡頭。第八場梁家俊騎嘅「新力多」同「佳景良駒」喺拉士一百米短兵相接之際，俊仔又再跌鞭，搞到最後輸短頭，自己畢唔到業之餘，仲令到大摩唔可以追平告東尼，損失慘重。
       
佳景良駒田草1800米三戰全勝。

不過，賽後葉楚航就話韋達同佢講，就算梁家俊唔跌鞭，相信「佳景良駒」一樣可以追過「新力多」，事關拉士個勢明顯強啲。航哥仲話「佳景良駒」到依家仲係好生，就算今次幫隻馬加咗眼罩，跑嚟仲有啲唔集中兼兩頭望，佢話返去又要諗吓有咩配備或者方法可以改善呢個問題。