馬主論戰

港陌

四季進步咪睇小

　　大摩剛啱憑「步步快」食尾胡，暫時仍落後東廐一場頭馬，睇嚟攻勢仍會持續。睇好第七場「四季」，上仗終於展現戰鬥力，首度在港上名，四歲馬既然已經上力，絕對唔可以睇小。另外推介第六場「多益善」，吳定強今晚擺咗成手馬響度，當然想盡快贏夠數畢業，呢隻馬一早已證明過跑谷草都掂，今次繼續用柏寶操刀，有機會贏馬開齋。

張敬山

蔡約翰點石成金

　　剛啱蔡約翰憑「驌龍」同「好利利」起孖，睇嚟呢位上屆冠軍開始發動新一輪攻勢。今晚蔡廐亦有一匹初出馬，就係第六場嘅「點石成金」，呢隻馬響外地一出即勝，來港後亦做足備戰工夫，隨時可以好似「驌龍」咁一出劏人。

　　另外推介第七場「華倫天奴」，前仗響谷草1200米贏得好輕鬆，回氣一場之後增程跑一哩，我睇更啱腳法，有權施回馬槍。

任達華

大唐勇將拔頭籌

　　剛啱伍碧權憑「天外之天」取得季內第12W，只差一場就贏夠數上岸，點睇都會打鐵趁熱。推介頭場「大唐勇將」，已經打叠贏咗兩場，六歲馬近期弗得交關，今次肯定砌盡。另外第四場「辣得喜」上仗響谷草1200米殺入冷Q腳，依家評分其實仲低過季初贏馬時，唔係冇機會偷雞。

寇鴻萍、梁廷鏘