|
|
近期在田草賽期，經常上演大摩及告東尼互鍊之局，像對上兩期，東廐攞了4場頭馬，大摩則獲4W，看近期趨勢，兩大馬房已鎖定田草為必爭之地，唔會貿貿然放棄，因敵退我進，如放鬆了戰意，隨時被對方有機可乘，那便令爭冠軍之路難行。
但你哋有你哋搏田草，方嘉柏一於好少理，繼續做佢嘅谷中霸王，呢期又出大隊兵馬，冇大搏殺決心，真係講都唔信。
事實上，佢在最近谷草賽期，手風持續好順，對上6期一共贏了8W，橫跨接近兩個月。既然佢啲谷草上陣馬咁搏，點可能唔睇高啲。
一睇佢嘅上陣馬，阿Jack最冧3駒，「聚有盈」梗係心頭好，轉馬房連勝兩回，贏得1場易過1場，五升四班視作等閒，睇嚟隻馬真係脫胎換骨，繼續對準贏馬路程，當然想再攞威！
心路海之宏番場
至於「心路」及「海之宏」，表面上，唔算有冠軍相，呢點我都係咁認為，但想到好似之前「寶貝王子」事例，又係成日跑到近而予人難再贏嘅感覺，但偏偏又畀佢到場，所以，呢對近績算幾穩定嘅馬，有可能憑住準繩嘅一面，從而擊敗對手。
Jack |
|
金睛卡
发表于 2011-5-4 08:51
变色卡
显身卡