|
|
挨近季尾賽事，兩大馬房陣營，告東尼與大摩，成日有馬贏，1日贏三兩場頭馬，感覺上易過借火。先講告東尼，3、4月簡直係馬房收割期，淨係呢兩個月已贏 19W，完全唔使回氣，啲子彈用極都唔完咁款！而大摩就冇咁「爆」，明顯喺3月係半休息月，該月只獲3W，但2、4月，又係攻勢不停，好似2月時，起孖固然唔少得，仲試過1日贏4W。到了4月，單日贏兩三場，近排先發生過。兩大馬房搏到咁，季尾唔吼實佢哋，仲有邊個會更信得過呢？
喺今期賽事，東摩兩廐各有各精采，前者出馬唔算好多，具有級數嘅為數三兩駒，而大摩勝在叠馬，15匹上陣馬，認真大陣仗。至於佢哋喺戲肉所在嘅女皇盃，一樣會正面交鋒，到底邊個會捧盃，未鍊過好難講，但邊路人馬想染指錦標，一定要問過佢哋。
東廐喺第8場單線出擊，獨派「加州萬里」上陣，而大摩出夠4駒，此乃「魔法幻影」、「火龍駒」、「卡達聖」及「爆冷」！按「加州萬里」上場贏金盃姿態及締速，直頭係眼前一亮，原來跑到2000米可以叻到咁。至於摩廐馬之中，過氣盟主「爆冷」以及「魔法幻影」最值得留意，只因同程實力喺往績已反映得晒，不由我們輕看。
Jack |
|
金睛卡
发表于 2011-5-1 08:11
变色卡
显身卡