馬主論戰

魑魅魍魉

喜蓮智星演出準

　　告東尼近期攻勢一浪接一浪，睇嚟今季真係好有決心做冠軍，一於吼實佢手馬。推介尾場「喜蓮智星」，近三場得兩亞一季，演出夠晒準，上場已經證明跑谷草一樣掂，今次再跑窄場，應該可以補中。另外睇好第三場「清脆利落」，近兩場全部入Q，上仗同「宇宙良駒」叮噹馬頭返嚟，最後影輸無話可說，今次捲土重來，應該會有更進步表現。

張敬山

風動寶必謀交代

　　剛啱姚本輝憑「善戰」同「相見歡」起孖，唔經唔覺今季已經贏咗38場頭馬，表現好搶眼，我睇好佢今日繼續有馬贏。先推介第二場「風動寶」，今季跑三場未贏過，但上場響谷草1200米跑第四，輸畀頭馬唔夠一個馬位，今次再跑同程，應該係時候交代。另外鍾意尾場「開心老友」，加眼罩之後跑兩場贏晒，證明配備好有用，今次繼續戴眼罩跑，三連捷可期。

任達華

鄉村傳奇咪睇小

　　蔡明紹剛啱爆咗隻「正歡騰」，呢位後生仔嘅騎功愈嚟愈成熟，今日騎足十場，話唔定又有頭馬見面。先推介第三場「鄉村傳奇」，上場大冷身分跑第四，證明狀態返咗嚟，今季轉投賀廐後未交代，一定心急交功課。另外鍾意第八場「威利旺旺」，話晒係上屆打吡同遮打盃亞軍，實力一定有番咁上下，上場終於見到有復甦走勢，一定會打鐵趁熱，計卡士可以橫掃。

寇鴻萍、梁廷鏘