高清睇跑馬:富貴金龍無懼負重

港陌

　　「富貴金龍」今季評69分起步，首戰於總場次228泥地1200米大敗，但接戰於總場次282再戰同程，當時排十檔起步，結果卻以三個多馬位，彈甩之後贏馬補中的「大把在手」及「威威財星」。「富貴金龍」之後於總場次171同程再建一功，此戰跑出的時間更快，而亞軍「好好彩」之後取得WQ各一，證明賽事水準極高。

　　之後「富貴金龍」轉戰草地賽事，並曾於總場次367的1200米跑第二，當時若非塞車冇位出，應不會以鼻位之差敗於「超群如意」得第二；上仗被「手風順」反先，該駒全程二叠望空照贏，突然神勇落敗無話可說。今次終於等到一班泥地賽程，機會難逢幕後點會錯過 ？再睇幾匹主要對手，「好好彩」係蹄下敗將、「朝東精英」傷患馬分分鐘走樣，相信「富貴金龍」就算負重磅亦冇問題，篤定食尾胡。

Sam