朝早有動靜：方嘉柏砌自由好

港陌

　　周日沙田馬場將舉行11場草地賽，重頭戲乃本地二級賽主席錦標，路程為1600米，當中不乏明星馬報名上陣，料必有一番激鬥。

　　昨朝晨課，見到方嘉柏穿梭烽火台及沙圈之間督操，動靜多多，其中已報爭主席錦標的「自由好」，備戰甚為積極，昨朝安排由柏寶出試，試前見到練者企在出口處，向鞍上人不斷指手劃腳教路，肉緊非常，不妨優先留意。

　　「自由好」季內首仗，即在田草1600米擊敗「步步穩」勝出沙田錦標，此程威力毋須懷疑。上仗出爭香港一哩錦標落敗，賽後被驗出氣管有血，落敗與實力無關。經過一輪休養生息之後，近期操練工夫做足，健康已回復正常，今次出爭平磅賽贏級數，力足言勝。

　　另外，徐雨石昨朝亦落力備戰，連操多駒之餘，更搵柏寶、韋達及鄭雨滇幫手試馬，舉動不簡單，對此廐馬務必要多加提防。今次報名馬之中，「深智能業」、「瀟灑財星」及「財源來」分別進行快跳，備戰過程認真，看來有意出擊，宜加盯緊。

韋柏