|
|
兔年首次賽事，摩家軍聲勢好勁，當日贏4W，身為主帥嘅白德民，順利替波士起孖在先，只可惜，之後兩場重要賽事，同場大摩各出3駒，白德民坐騎成就止於季軍，偏偏那兩場頭馬係「點心」和「新力勁」，同樣來自摩廐，好難唔令人聯想到底出！
馬房係咪底出，未必喺賽果可以反映到，有時亦唔係白德民有權去選擇，大摩先至係波士，選擇權喺佢手，如何點兵，主與僕嘛，有啲場合可能啞子食黃連。唔通白德民企出嚟話唔關佢事！所以，睇完賽果底出，感覺上係底出，其實怪唔晒主帥。
今期賽事，大摩又有類似把戲，第八及十場，都係雙龍出海，仲要4駒都係好嘢，正副身分真係考起。但提提大家，今季大摩仲未試過串過1條馬房Q（3條QP），佢係咪真係「大喉纜」到兩場包Q，自己諗諗！
大摩喺第八及十場上陣馬係「火龍駒」、「曬冷王」、「甜將」、「皇帝旨令」，橫睇豎睇，唔係冇機會包Q，但要阿Jack揀主力的話，白德民騎嗰兩匹一定要先。正常去度，始終人心肉造，新年流流，作為主帥已經連食兩場黃連，今日又係咁嘅場合，冇理由又要佢做醜人，所以，雖然「火龍駒」與「甜將」賠率係熱啲，唔見得係聲東擊西伎倆。
Jack |
|
金睛卡
发表于 2011-2-12 11:34
变色卡
显身卡