馬主論戰

猪拉多纳

無懼重磅錢照贏

　　人日跑馬，希望各位《成報》讀者繼續贏錢。剛啱年初三有唔少意頭馬跑出，今戰吼實同類分子，就係尾場「錢照贏」。事實上，呢隻馬唔止個名意頭好，實力亦好出眾，近兩戰跑谷草1200米贏晒，雖然今次孭重磅上陣，但肯定應付得嚟，穩食尾胡。另一心水係第五場「金瑞」，上場沿途走外叠，返嚟只係輸條頸，今次排番個內檔起步，可以補中。

張敬山

寶貝王子近況出色

　　跑番谷草，又係時候吼實一眾方廐馬。最啱心水係第五場「十足十」，之前跑嚟跑去都出唔到頭，但上場增程跑1800米即刻贏馬，睇嚟已經搵到最佳出路，今次再跑此程，五歲馬開竅後應好開就好，贏多一場冇難度。另外鍾意第七場「寶貝王子」，近兩場全部上名，證明近況出色，今次排2檔比起上場12檔好跑得多，應該可以重開勝門。

任達華

鑽飾彩虹路有專長

　　今日我哋隻「鐳射槍」有份上陣，呢隻馬近兩場跑田草2000米表現一般，今次轉番嚟谷草上陣，兼搵近期手風大順嘅杜利萊操刀，希望可以跑得接近喇！

　　另一心水係第二場「鑽飾彩虹」，近三場跑谷草1200米獲一冠兩亞，輸嗰兩場亦不過係以短頭位落敗，擺明路程性能一流。今次排外檔無疑難發揮，但呢隻馬有前速，應該可以克服到。

寇鴻萍、梁廷鏘