百利旺賴仔報師恩

港陌

有人話香港人情紙咁薄，馬場利字當頭，離離合合更加常見，不過，凡事亦都有例外，練馬師吳定強出晒名念舊，與徒弟賴維銘互相信任，合作十八年從未間斷，好可能係香港拍檔最長時間的練騎組合。
       
騎者親踱八課

被喻為香港戴圖理的賴維銘，晨課一向勤力，幾乎朝朝都幫吳定強操馬，不論好壞，亦見親力親為，當然，摸實嗰啲就唔會衰得去邊。
       

第二場四班千二米，「百利旺」九歲老馬今季五戰一冠一亞一季，表現相當穩定，上仗三十倍大冷後追不及，只負個幾馬位，復課賴維銘共親踱八課，火氣十足，狀態吸引，周三排位內移抽到四檔好位，大可爆番場半冷報答恩師。