|
|
今夜跑馬地百萬挑戰盃，排名榜前兩名將會正面交鋒，暫時排頭位係44分「鵬力洋洋」，第二位係42分「闊袍大袖」，佢哋喺谷草勁到無倫，跑得唔好比例好少，呢兩匹馬經常在谷草1650米跑入前列，但原來今次先係兩匹路程專家季內首次碰頭，真正係大哥同二哥內鬨！
到底邊匹會先過終點？抑或齊齊受到班次阻力，由原班能手勝出？總之，尾場賽事賭味夠晒，均勢場合令各駒賠率唔會太熱，而睇頭亦好，係難得谷草好戲碼。
講開「鵬力洋洋」，不得不提告達理，今季屢於谷草交出成績，尤其1650米呢項谷草骨幹路程，上名率保持在45%，比率高成咁，點可以唔畀面。而除咗前駒，第六及七場，大告在兩場1650米同樣有惡馬，「海力童」和「勇猛神駒」，雖則表面條件輸蝕，但咪當冇到，彼此均為路程專家，前駒10檔係會攞佢命，如早段攞位攞得靚，呢匹上次先上名嘅馬，有權爆。後駒成批「神駒」系之中，賴低佢未有W，鬥志點會唔係100%！
Jack |
|
金睛卡
发表于 2011-1-26 11:52
变色卡
显身卡