|
|
正如周星馳電影中對白：「估你唔到！」有時世事嘅嘢，有幾多喺掌握之內！就以大摩為例，近屆國際賽都係四大皆空，唔係輸少少返嚟，就係連出賽機會都冇，困局是也。又好似韋達咁，明明騎師榜前列嘅柏寶和白德民齊齊停賽，就係咁啱，佢喺周三夜馬食白果，追佢嗰批客，真係喊得一句句！
嚟到今期又點呢？騎足晒10場，坐騎分布又廣，唔係all of John。筆者大膽假設，應該有半數或以上入到三甲，贏多幾多場則屬後話，如果呢期都守齋，幾可肯定「血流成河」。
選擇多，有時有選擇多嘅弊處，都唔知點買好，坦白講，喺個人心目中，今期韋達有冠軍相嘅馬，至少4、5匹，但又冇可能佢會咁神勇，所以，挑咗3匹出嚟，同大家分享。
「新希望」初出已經入P，係質素使然，因1000米係嫌短，而佢同「奇葩」係同老竇，廐主部署點會唔清楚，加程200米，一定好跑好多。至於兩「勁」，「勁高手」與「勁飛寶」，前駒準到冇人有，今季未甩過前幾名，同韋達又合拍，再跑1800米，或者比前更勁。後駒連搏兩場都係阿二，係有啲失運，但呢次終於擺脫到「甜將」嘅影子，唔使再對佢，希望對手冇咁強，可以坐正。
Jack |
|
金睛卡
发表于 2010-12-19 13:54
变色卡
显身卡