|
|
明日香港氣溫將跌到得10度，着少件衫隨時冷親。至於，馬場會唔會突然大放冷氣，真係好難講，眾所周知，之前國際賽年年註定係熱門馬天下，今年都唔覺好例外，但大戰過後，情況可能隨時逆轉，無他嘅，大倉經過國際賽，手腳點都會放軟少少，而呢期戲碼又唔係強，全晚最高只係三班賽，整體賽事水準有啲水水哋。望埋擔得飛嘅韋達，出馬唔多，又唔係贏得晒，呢晚唔爆番幾場，邊有可能呀？！
幾場熱門馬之中，阿Jack信吳定強馬房「團隊福星」，希望贏到隻熱W，驅一驅寒流。話實嘞，呢個馬房有幾多匹上陣馬，可以保持咁穩健嘅賽績，跑咗3場，冇W有Q，最難能可貴仲係上一場，之前已經交代咗啦，贏完仲咁有心繼續搏，最尾只係差一步追唔到「金大人」咋，由此證明，呢匹馬喺五班真係幾超級。今次隔個幾月再跑，如果係要熱身，賽前工夫可以悠悠閒，但廐主冇咁做，已經話畀我哋知，大有再搏決心。
另外，「百利旺」新勝之後，會唔會忽然走樣，邊個會知，而隔夜又冇乜飛，唔通係預兆？！但上季尾佢贏完，下一場再跑都入P，似乎唔使好擔心，呢匹寶尾，唔怕追，反正預咗係冷門，十幾廿倍W，咁好回報，點解唔博！
Jack |
|
金睛卡
发表于 2010-12-15 12:40
变色卡
显身卡