高清睇跑馬：皇帝旨令再建功

魑魅魍魉

　　「皇帝旨令」轉投摩廐後大變身，今季首兩戰以兵不血刃姿態取勝， 前仗步速超慢兼走內檔，遲遲望空下才大熱倒灶跑第四；但相隔一周於總場次187再出及增程1600米即補中。當時牠沿途走三叠，早段更因步速偏慢，馬匹顯得極之搶口，之後收斂變得乖巧，但轉彎時繼續走外檔，至誇張彎尾再拉出大外檔，可以話對手跑1600而牠就跑1800米，但大讓賽下照贏，確認質素極高；今仗小休三周復出體力已恢復八九，於A欄更好追，跑出水準又可建功。

　　「幸運精彩」前仗初出即有重飛，但遇超慢步速，頭兩段較當日四班「連戰連勝」的一組還要慢，兼且谷戰直路短故後上不及，但依然追到第四已算有交代。後勁馬上仗於總場次190轉爭1400米，補中可謂順理成章，雖然對手未算出色，但實則首戰留前鬥後，上仗排十三檔則跟前，跑法完全不同難度極高，而且直路一早出頭，對手亦遲遲未予威脅，故韋達僅打兩鞭之餘，推騎動作亦未算勁，可以話睇住來食。

　　「幸運精彩」勝後只加五分極着數，難得今次對手多有不足，路合態勇應可再贏。

Sam