|
|
點講都好，方嘉柏喺谷草真係好犀利， 郁吓又3場，郁吓再3場，手風順咩，冇理由成日咁好運！部署睇得準咩，又唔可能算得咁盡，所以，兩個原因各佔一半半啦。
而呢期佢唔係冇馬喺手，阿Jack唔夠膽話佢冇W到手，始終係谷中霸王，但係咪又會三兩場W當閒事，未必嘞！反而，今晚可以留意吓葉廐，應有搏殺手影，事關近三四期谷戰，佢成日有馬入到嚟。
佢嘅「勝在分秒」退唔退出，我都唔建議大家捧場，咁餘下揀邊啲嚟過纜，「勝任有餘」就梗咗啦，鬼咩，跨季贏4場谷草一哩，贏嚟贏去仍然未使再升班，呢次加咗分之後，負磅唔係特別重，如果C欄9檔影響大，咁就冇得好講，正頭正路，尾胡馬啦！
而一對「金剛」亦話有料到，先講頭場「神力金剛」，上場出賽志在仄走勢，你睇隻馬沿路喺咩位，就知想點，但咁都唔係輸得遠，嘩，呢場用韋達及加程，呢類跑咁耐1場位置都未有嘅馬，一見好點會收。至於「神箭金剛」，上場唔係直路攞位唔順，衝贏埋「財富之星」有咩奇，而佢跑1800米更叻，匆出肯加程，睇部署係配合而嚟。
Jack |
|
金睛卡
发表于 2010-10-20 13:33
变色卡
显身卡