好友福不容再失

不死鸟

第八場第1班1800米（婦女銀袋賽）。「羅馬」轉投東?操練多時，初出即爭曾入Q的1800米，有力效法「皇馬」般一出即勝。「競駿精英」剛戰輕易取得第6W，準國際賽代表馬，今次再遇1班對手份量不減。
第九場第2班1200米。「好友福」上月尾初出同程被捧成大熱，可惜最後只能跑得第4，但實際表現並不失望，一來初出?住133磅，二來閘前重裝蹄鐵，質新馬作戰情緒受到影響，直路取位時又有阻滯，惟最後仍後上跑得第4已算本事，熱身後今次升上2班角逐，大幅減磅有如釋重負之感，練者鄭俊偉（右圖）再安排勝途出擊，湯智傑冷手執個熱煎堆，跑出水準可期補中。「星運伯爵」上仗馬鞍滑移直路內閃都跑第2，但看賽事水準一般，路合態勇算是機會馬之一。
第十場第3班1400米。「八逢九紫」上仗1200米走勢有聲有色，今次增程跑勝途1400米，隨時屬目標所在。「超力駒」跑2班賽都可接近，今次落班角逐隨時可反客為主。