砲嘜唞夠火力十足

不死鸟

今日為新馬季開鑼戰，祝願各位讀者馬友旗開得勝，好開繼續好。季初選馬以狀態行先，縱使實力較次，但有十足狀態亦有力以下犯上，假如有實力兼有勇態的話贏面更高，今次推介兩匹水馬就有上述條件，現介紹給馬友參考：
第五場4班1200米。「高風格」在新馬賽時有贏過「又贏晒」戰績，如非受腳患影響，相信成就不止於此，再睇番「又贏晒」在3班上陣有兩次得第二成績，由此可見「高風格」現居4班佔盡班利。此匹腳患馬經過練者告達理悉心料理下已全面康復，睇番晨操能接受連課快跳考驗，足證腳患無礙，超級馬今戰藉態勇路合優秀條件，力足贏馬添進帳。
第七場2班1000米。霍利時馬房?「砲嘜」（下圖）雖然已6歲，但來港兩季只上陣過11仗，真正拚搏唔多，原因體弱關係影響進度引致上陣次數少。但近期在晨課睇到此駒唔同款，身形茁壯，毛色明亮可以照得到人咁滯，看其快跳走來爽勁，充滿彈力，狀態勇銳敢言是來港最弗一次，上季亦係在開鑼日贏馬，足證跑新鮮特佳，今戰極有機會重溫美夢。