馬偉昌最夾方嘉柏

不死鸟

南非騎師馬偉昌（圖）斷斷續續來港策騎多季，上季原本出任姚本輝馬房主帥被寄予厚望，但由於呢對組合一路未能打開勝門，卒之?上季初已經分手，馬偉昌其後轉任公司騎師，佢亦遲至2008年11月8日才憑方嘉柏「競駿精英」開胡，結果昌哥整季以41場頭馬過終點，只以點數輸?畀白德民，表現其實十分出色。
翻查上季馬偉昌的頭馬分布，發現主流路程在田草1200及1400米表現最好，合共贏?16場頭馬，但谷草1000及泥地一哩係極弱項目，前者11戰全敗，而泥地1650米16戰亦只得3個季軍，反映佢表現頗飄忽，捧佢場真係要小心。至於合作成績方面，同佢最夾係方嘉柏，合共交出9場頭馬，但下游馬房告達理亦有7場頭馬出自馬偉昌的手，可見兩人互相極之信任，新季要留意呢對騎練組合。睇番上季馬偉昌的頭馬中，難度最高相信係「京樂飛翔」，呢匹馬擺明係好難發揮，但當時鞍上人非常鎮定，真係佩服他的耐性。總括而言，馬偉昌是個實而不華騎師，新季如果有更多支持，相信極有機會突破50場頭馬大關。