蔡明紹騎出彩虹

不死鸟

新秀蔡明紹上季半路中途出道，正確日子係2008年12月20日，當日一登場即憑「威利來」打開勝門，技驚四座，埋單計數呢個後生仔整季勝出43場，相比騎足全季的白德民及馬偉昌成績更好，蔡明紹可以話係馬壇新希望。
回顧蔡明紹上季頭馬紀錄，田草最威贏30場，谷草亦交出11場，但係泥地只得兩場頭馬，原因可能係師傅告東尼旗下馬多數在田草出擊，所以大場成績特別標青。另外，蔡明紹外借成績都幾好，亦曾幫霍利時贏5場，方嘉柏亦有4場，可見蔡明紹頗受各練馬師器重，新季成績必可更上層樓。
數蔡明紹上季代表作，本人覺得係贏「好耐力」，此馬田草表現一向麻麻，當日出閘漏閘，但鞍上人不慌不忙，等入直路先發力，結果爆出大冷門，贏在騎者夠膽識。