川崎 清水焗攻開入球騷

猪拉多纳

日職 15:00 （日）7 川崎前鋒 Vs 清水心跳

日職鬥到入直路，川崎前鋒今日喺主場火併清水心跳， 一隊要爭亞冠盃入場券，另一隊要搶分護級，大家都唔想和，加上川崎王牌大久保嘉人話明要打破入球荒，爭取連續兩年成為日職神射手，信佢就熱捧1.52倍入球大。

（有線61及201周日下午3:00直播）
大久保目標冧莊神射手

大久保嘉人連續6場聯賽冇波入，今季聯賽入球數字只係維持15球，領先神戶勝利船嘅馬昆奴斯1球咁大把，所以呢位日本國寶級名將同傳媒話，剩低4場聯賽至少要入多3球，爭取連續2年稱霸日職射手榜，兼且幫川崎進軍下屆亞冠盃，撞啱清水連盃賽近14場得1場開入球細，咁嘅情況，好易開入球騷。