斯洛伐克夫添重擊馬爾他

猪拉多纳

斯洛伐克今晚喺主場同馬爾他「拍跳」，球隊徵召咗唔少外流球員備戰，希望以最佳狀態迎接嚟緊下周二開打嘅歐國盃外圍賽。相反，馬爾他似乎對呢場熱身賽有啲漠不關心，球隊遲遲先公布大軍名單，今次作客睇嚟都係等做「炮灰」，阿謙睇好斯洛伐克可以大勝一仗，斯軍「-2」照捧。

（now 634周五凌晨零時20分直播）

斯洛伐克今次熱身賽可謂精銳盡出，雖有中屆史卡迪爾避戰，但一眾中場猛將好似咸錫、史度治、華迪美韋斯及老牌前鋒維迪都喺大軍名單入面，可見球隊明顯希望借呢場熱身賽提升狀態，準備好下周二作客烏克蘭嘅歐國盃外圍賽，今仗一定全力爭勝以壯行色。
馬爾他無心戀戰

馬爾他近況麻麻，上仗場熱身賽竟不敵「新丁」直布羅佗，表現令人失望。更令人擔心嘅係球隊竟然喺呢場波開波前兩日先公布大軍名單，陣中最具名氣嘅只有FSV法蘭克福中場舒安巴利及國家隊史上入球最多嘅隊長米素特，畀人一種唔太重視呢場熱身賽嘅感覺，今仗作客遇上斯洛伐克相信都係「被炒格」，讓兩球照捧讓球主勝。