高嶺福星票勁「義」贏

猪拉多纳

　　話咁快又嚟到一年一度打吡賽日，今次打吡大賽睇嚟都係摩廐四駒之爭，隔晚睇飛，「威爾頓」明顯支持者較多，得1.5倍左右，睇嚟非常穩陣，拎嚟拖QT最好。

　　至於怪飛馬方面，噚日周某發現有三匹馬今次配咗巫斯義之後，啲飛數突然洶湧而至，佢哋分別係「大笑大少」、「高嶺福星」同「金秋」（見表），而三駒之中，我又特別鍾意第六場嘅「高嶺福星」，所以推介畀大家。呢匹自購馬上仗在港初出，結果喺田草1400米跑第四，嗰時鞍上人係郭能。今鋪何良安排「高嶺福星」縮程兼配巫斯義，即刻引嚟支持票，隔晚個W賣至4.5倍，個P仲曾經係大熱門，既然有人睇好，一於捧佢。

　　騎師王方面，莫雷拉騎足十場得1.5倍，唔好拗頸啦。(周仲)