仁愛之友演出準

猪拉多纳

　　今次谷草夜馬賽事三T彩池有164萬多寶累積，馬會預計10元一注獨中可贏400萬，彩金吸引，值得小注碰碰運氣。

　　頭關第四場四班1650米，馬膽睇好鄭俊偉馬房的「生豪」，由上季尾開始至今，角逐同程表現相當準繩，六戰共獲一冠一亞一季兩殿一第六，就算落第三仗中，輸得最遠亦不過兩個多馬位。今次繼續由合拍之賴維銘執韁，最重要是抽得一檔好位，大有機會打開今季勝門。

　　次關第五場四班1200米，最穩陣一定係「仁愛之友」，今季轉投容天鵬馬房後演出準，七戰六度上名，五班贏完後上到四班兩戰仍然繼續入位。今仗改配田泰安明顯加強攻力，三甲一席應該走唔甩。

　　尾關第六場三班1200米，「龍華太旨」連續兩仗於同程取勝，難贏馬開竅後確有脫胎換骨感覺，今相隔兩周雖升班再戰，但目前正值大勇，必然乘勢爭取三連勝。向東