的確好靚施回馬槍

猪拉多纳

　　馬年一到人人想接財神，而在馬場倒不如接雷神，剛剛賀歲賽，莫雷拉又一次為大眾帶來喜悅，3場頭馬迎接馬年第一炮，暫時已獲44場頭馬，適逢現時潘頓仍在停賽期，雷神今次坐騎又滿額，必然落力數胡，以圖進一步拉近與後者的差距。

　　第二場五班1650米。「的確好靚」前仗由莫雷拉勝出，上場原班人馬再跑相同路程，竟然尾二返抵，演出水準可以相差千萬里，唯一解釋是霍廐馬常有此通病。事實上，前仗能贏「瀟洒勁龍」及「彩利」，再之前也曾在田草入Q，絕對是實力的證明。難得大敗後雷神未有嫌棄，繼續效力，豈會草草了事，若然此駒重現威力，一哩同樣是射程，可施回馬槍。

　　第三場四班1800米。「喜欣賞」3仗之前由潘頓取勝，及後再跑3場，多取1亞1季，唯一一場跑得極差是雷神操刀，那役在田草長途跑至一無是處，賽後有指敗因是持續脫口。隔了1場又由他策騎，假如又栽在其手，顏面何存？因此，雷神必會加多幾錢肉緊，另外，由田草轉回谷草，對馬匹發揮大有幫助，增加贏面。