蘇保羅就快達標

猪拉多纳

曾幾何時，蘇保羅（Paul）係有權爭奪冠軍練馬師，不過近季運仔硬係差些少，仲周不時搞到要季尾打護級添。阿Paul今季重整旗鼓，成績果然大有起色，繼上期連中三元之後，昨日又憑「有綵」增添勝仗，季內頭馬數字已經去到14場，仲爭1W就贏夠最低標準上岸，相信季內餘下時間都唔使咁大壓力啦！
       
蘇保羅憑有綵取得今季第十四場頭馬。
有綵腳患好番晒

蘇保羅話花咗唔少時間，終於搞番好晒「有綵」嘅腳患。上場試吓擺前走，效果認真麻麻，所以今次一於留埋衝一段，但係都估唔到可以一條直路殺晒咁犀利。佢補充話匹馬仲有進步，跑長些少都得，唔憂無機會添食。