李寶利停賽損失4W

猪拉多纳

意大利好手李寶利之前喺陣上一再犯規，令佢加刑兼提早告別，佢啱啱騎過嘅「邦之星」、「馬來之珍」、「勝飛」同「金碧陽光」尋日再安排上陣，其中前三匹都係新勝馬，分別由巫斯義、杜滿萊同韋達接手，結果齊齊取得連捷，「金碧陽光」則爆出冷門，就係咁白白損失4W。「馬來之珍」練馬師告達理飛咗過去新西蘭揀蟀，兼且撐喺愛沙妮馬場派馬上陣嘅大仔Trevor，香港呢邊得番細仔Martin坐鎮，不過一樣有馬贏。
       
馬來之珍守好位直路透出，杜滿萊走位醒目。

另一位意國騎師彭利力尋日作告別演出，七匹坐騎三甲不入，不過「夢幻十一」喺一級賽跑入第五名，加埋「鴻圖戰士」取得殿軍，臨行前總算執過萬元獎金。