寶德直路賽重溫好夢

猪拉多纳

今次賽事未開始前，呂健威同蘇偉賢都係揸住19W喺手，但呂健威就以較多亞軍力壓後者暫時排喺華倉首位。尋日頭場五班1000米直路賽，呂廐就派「寶德」出戰，至於賢廐亦有「辣得喜」列陣，兩駒分別由潘頓及莫雷拉兩大紅人坐鎮。賽前「寶德」被捧為次熱，「辣得喜」則屬大熱門，結果「寶德」技勝一籌，喺潘頓胯下輕勝兩個馬位。
       
寶德

呂健威旗下「寶德」年屆七歲依然老當益壯，繼上年1月6日喺五班直路賽勝出，尋日2014年首次上陣亦成功重溫好夢，本身近兩年首戰都能贏馬。呂健威賽後話「寶德」今仗起步順暢，早段已守在前列推進，潘頓絕對功不可沒，而馬兒本身步幅大，因此在末段大家都力弱下，可進一步拋離對手贏馬。　
       
老牌綵衣齊齊揚威

昔日嘅馬王「同德」同短途明星馬「晨鋒」，兩駒嘅同主馬「寶德」及「要風得鋒」尋日都齊齊揚威，兩件老牌綵衣同日取勝，認真巧合。