安國倫戰「駒」惡

猪拉多纳

　　不知不覺，安國倫手上累積18場頭馬，如果今次賽事贏多過1場，即刻爬過韋達頭，晉身騎師榜第三位。呢位騎得之人，今季成績有好大進步，睇番佢之前兩季喺九至十一月嘅頭馬數目，前季10場、上季13場，而今季贏馬多咗，真係多得神仙之助，同埋新開倉嘅蘇偉賢照住。

　　現時蔡約翰贏咗22場，安國倫佔了6場，係眾多騎師之中贏得最多蔡廐馬嘅，能夠得到神仙指點，成績又點會冇進步。再睇埋佢兩個合作紀錄，維持喺5成上名率左右，就知道搏殺有幾準。

　　啱啱谷草夜賽，二人冇合作，呢期有3件，「勁開心」、「輕彈錢笑」及「愛寶駒」，嗰匹新馬唔知乜頭乜路，都係買唔過，另外兩匹就唔同，起碼路程及實力都有個譜。

　　輕彈錢笑擺明超班

　　第四場「輕彈錢笑」，上仗為季內復出，在直路賽贏到離行離列，擺到明超班，贏完仲係留喺三班，着數到暈，排1檔都唔使驚；第九場「愛寶駒」今季3場都係用細路仔，搏嚟搏去都贏唔到，呢場專登加強配搭，神仙求勝心切，值得睇好。（Jack）